ایمرسن یونیورسٹی میں کرکٹ میچ کا انعقاد
وائس چانسلر ایمرسن یونیورسٹی ملتان پروفیسر ڈاکٹر محمد رمضان کی زیر سرپرستی ایمرسن یونیورسٹی ملتان میں شعبہ انگریزی کے طلباء کے مابین کرکٹ میچ کا انعقاد کیا گیا، جس کا اہتمام صدر شعبہ انگریزی پروفیسر ڈاکٹر عدنان طاہر جبکہ انتظامات پروفیسر سعید ناصر نے کئے۔
ایک دلچسپ اور سنسنی خیز مقابلے کے بعد سیکنڈ سمسٹر نے فرسٹ سمسٹر کو دو وکٹوں سے شکست دی ۔
تقسیم انعامات کی تقریب سے خطاب کرتے ہوئے وائس چانسلر ایمرسن یونیورسٹی ملتان پروفیسر ڈاکٹر محمد رمضان نے کہا کہ مجھے بہت خوشی ہے کہ یونیورسٹی میں نصابی و ہم نصابی سرگرمیوں کے ساتھ کھیلوں کی طرف بھی توجہ دی جارہی ہے، جس کے نتیجے میں ہمارے بچے قومی اور بین الاقوامی سطح پر نہ صرف یونیورسٹی بلکہ ملک کا نام روشن کر رہے ہیں۔
اس موقع پر انہوں نے کہا کہ ایچ ای سی کی طرف سے ایمرسن یونیورسٹی ملتان کو ال پاکستان یونیورسٹیز بیس بال چیمپئن شپ کی میزبانی کا موقع دیا گیا ہے، جو ہمارے لئے اعزاز ہے۔
آخر میں جیتنے والی اور رنر اپ ٹیموں کو ٹرافی اور میڈل دئیے گئے۔
