فیڈرل بورڈ نے میٹرک کی ڈیٹ شیٹ کا اعلان کردیا

فیڈرل بورڈ آف انٹرمیڈیٹ اینڈ سیکنڈری ایجوکیشن نے سیکنڈری اسکول سرٹیفیکیشن (نویں اور دسویں) پارٹ I اور II کے سالانہ امتحانات کی ڈیٹ شیٹ کا اعلان کردیا۔

ایف بی آئی ایس ای کے جاری کردہ شیڈول کے مطابق امتحانات 26 مارچ 2024 کو شروع ہوں گے اور 25 اپریل 2024 کو اختتام پذیر ہوں گے۔ ایس ایس سی پارٹ II کا امتحان ریاضی سے شروع ہوگا، جبکہ حصہ اول کا آغاز فزکس سے ہوگا۔

اسی طرح پارٹ I اور پارٹ II کے امتحانات بالترتیب پاکستان اسٹڈیز اور فزکس کے ساتھ اختتام پذیر ہوں گے۔

فیڈرل بورڈ نے 7 اپریل سے 14 اپریل تک عید الفطر کی تعطیلات کا اعلان بھی کیا ہے۔

مزید برآں عملی امتحان 26 اپریل 2024 سے شروع ہوگا۔