ترقی پانے والی خواتین اساتذہ کو اینٹی کرپشن این او سی جاری نہیں کیا جاسکا

خواتین اسسٹنٹ پروفیسرز سنیارٹی نمبر 901 تا 1111 تک کی پرموشن کی سمری وزیر اعلیٰ پنجاب کو منظوری کے لیے بھجوائی گئی تھی، جو منظوری کے بعد واپس محکمہ سروسز موصول ہو چکی ہے، مگر انہیں فوری طور پر پوسٹنگ کے لیے نہیں بھجوایا جا سکا، جس کی وجہ سے اینٹی کرپشن سے کلیئرنس نہ ملنا ہے ، جب تک تمام خواتین کے کیس کلئیر نہیں ہیں، اور این او سی کے بغیر منٹس پوسٹنگ کے لیے جاری نہیں کیے جا سکتے۔

ذرائع کاکہنا ہے کہ کہ این او سی جاری نہ ہونے کی وجہ اساتذہ کو شناختی کارڈ نمبرز کا غلط اور نادرا ڈیٹا سے مماثلت نہ ہونا ہے، تاہم اب ڈی پی آئی آفس اعداد و شمار اکھٹے کر رہا ہے، جو مہیا کر دینے کے بعد اینٹی کرپشن این او سی جاری کرے گی ۔