فری سپوکن انگلش لینگوئج کلاسز کا ای لائبریری ملتان میں آغاز
سپورٹس ڈیپارٹمنٹ ملتان نے موسم گرما کی تعطیلات کو مدنظر رکھتے ہوئے کھلاڑیوں اور سٹوڈنٹس کے لیے بہاوٴ الدین زکریا ای لائبریری سپورٹس کمپلیکس ملتان میں رانا ندیم انجم ڈویژنل سپورٹس آفیسر ملتان کی ہدایت پر فری انگلش سپوکن لینگویج کلاسز کا آغاز کردیا ہے۔
فاروق لطیف ڈسٹرکٹ سپورٹس آفیسر ملتان کے مطابق آج کل کے جدید طور میں انگلش لینگویج بہت اہمیت اختیار کرگئی ہے۔
ہمارے نوجوان کھلاڑی جب انٹرنیشنل سطح پر اپنے فن کا مظاہرہ کرتے ہیں تو ان کو وہاں اپنے جذبات کو بیان کرنے میں مشکلات کا سامنا کرنا پڑتا ہے۔
اسی چیز کو مدنظر رکھتے ہوئے سپورٹس ڈیپارٹمنٹ ملتان بغیر کسی فیس کے فری سپوکن انگلش کلاسز کا آغاز کررہی ہے ، جس میں انگلش لینگویج کو نامور ماہر پروفیسر اعظم صبح ساڑھے نو بجے سے ساڑھے دس بجے ایک گھنٹہ ان سٹوڈنٹس کو فری سروسز مہیاء کریں گے۔
اس پروگرام کے کوآرڈینیٹر نور خان قیصرانی تحصیل سپورٹس آفیسر ملتان جبکہ عدنان خان منتظم ہونگے۔
