عالمی چیلنجز توانائی اور ماحولیاتی ترقی میں دو روزہ کانفرنس آج شروع ہوگی

ویمن یونیورسٹی ملتان کے شعبہ فزکس کے زیر اہتمام تیسری انٹرنیشنل کانفرنس آج سے شروع ہوگی، جو دو دن جاری رہے گی۔

رواں برس کانفرنس کا عنوان’’عالمی چیلنجز توانائی اور ماحولیاتی ترقی میں‘‘ میں رکھا گیا ہے، کانفرنس کی پیٹرن ان چیف وائس چانسلر پروفیسر ڈاکٹر کلثوم پراچہ ہوں گی، جبکہ فوکل پرسن چیئرپرسن ڈاکٹر ملکہ رانی ہیں۔

کانفرنس میں بیرون ملک سے ڈاکٹر طارق سجاد، ڈاکٹر زونیب علی، ڈاکٹر رابعہ خاتون، ڈاکٹر اوسوالڈو، ڈاکٹر جون برک ایچ اور ڈاکٹر صفیہ بارکزئی شرکت کریں گے جبکہ نو سائنسدان آن لائن شرکت کریں گے، اور ملک بھر سے 22 سے زائد ماہرین تعلیم اور فزکس کے ماہر شرکت کریں گے۔