ایک ہزار سکولوں کو اپ گریڈ کرنے کا فیصلہ
سکول ایجوکیشن ڈیپارٹمنٹ نے ایک ہزار سرکاری سکولز کی اپ گریڈیشن کا فیصلہ کیا گیا ہے، مڈل سکولوں کو ہائی اور ہائی سکولوں کو ہائیر سکینڈری سکولز میں تبدیل کیاجائے گا۔
ڈائریکٹر پبلک انسٹرکشن نے سکولوں سے ایس این ای مانگ لی، جس میں اُساتذہ ، کمروں کی تعداد اور سکول کے بجٹ کا ریکارڈ مہیا کیا جائے گا۔ بچوں کی موجودہ تعداد،اخرجات کا تخمینہ اور فروغ تعلیم فنڈ کا ریکارڈ بھی مہیا کرنا ہوگا۔
ڈائریکٹر پبلک انسٹرکشن نے تمام ایجوکیشن اتھارٹیز کو مراسلہ بھجوا دیا ہے، جس کے مطابق ایجوکیشن اتھارٹیز سکولوں کی اپ گریڈیشن کیلئے 30 اپریل تک ڈیٹا مہیا کرنے کی پابند ہوں گی، ریکارڈ کو دیکھتے ہوئے سکولوں کی اپ گریڈیشن کا فیصلہ کیا جائے گا۔
دوسری جانب اُساتذہ کا کہنا ہے کہ 3 سال گزر گئے اپ گریڈ سکولوں میں بنیادی سہولتیں فراہم نہ کی جاسکیں ہیں، مزید سکولز کی اپ گریڈیشن کی بجائے پہلے سے اپگریڈ سکولز میں سہولیات فراہم کی جائیں۔
یاد رہے کہ اس سے قبل صوبہ بھر کے 1245 سکولوں کو اپ گریڈ کیا جاچکا ہے مگرا ن میں سہولیات فراہم نہیں کی گئیں ہیں۔
