ملتان کے سرکاری سکولوں میں اساتذہ نے شجر کاری مہم کو کمائی کا ذریعہ بنالیا
محکمہ سکولز کی طرف سے شجر کاری مہم شروع کرنے کے احکامات کے بعد سکولوں نے طلباء سے پودے خریدنے کے نام پر لوٹ مار شروع کردی، جس کی وجہ سے والدین اور سکول انتظامیہ میں تلخ کلامی معمول بن کررہ گئی ہے۔
پرانے شجاع آباد روڈ پر واقع گورنمنٹ بخاری سکول کی انتظامیہ نے نہم کے طلباء کی رولنمبر سلپ روک لیں اور ان کا کہا جارہا ہے کہ کم سے کم 70 روپے پودے کی مد میں جمع کرائیں گے تو سلپس ملیں گی۔
سکول انتظامیہ کا کہنا ہے کہ دیگر سکولوں میں تو 5 سو روپے وصول کئے جارہے ہیں ہم تو صرف 70 روپے لے رہے ہیں، ذرائع کہنا ہے کہ سکولوں نے ازخود نوٹس لیتے ہوئے پودوں کے نام پر لوٹ مار شروع کی ہوئی ہے، جبکہ محکمہ سکولز کی طرف سے کوئی نوٹیفکیشن نہیں ہے محکمہ جنگلات نے پودے فراہم کرنا ہیں مگر ہیڈ ماسٹرز اور اساتذہ نے عید مہم شروع کردی۔
اعلیٰ حکام کو اس کا نوٹس لینا چاہیے والدین نے بھی ڈپٹی کمشنر ملتان اور اعلیٰ حکام سے مطالبہ کیا ہے کہ وہ اس لوٹ مار کو بند کرائیں ۔
