زرعی یونیورسٹی میں گرین میٹرکس رینکنگ بارے ٹریننگ
ایم این ایس زرعی یونیورسٹی کی جانب سے فوکل پرسن ڈاکٹر مقرب علی ایسوسی ایٹ پروفیسر کلائمیٹ چینج نے پاکستان کی تمام سرکاری یونیورسٹیز کو گرین میٹرکس ورلڈ یونیورسٹی سسٹین ایبلٹی رینکنگ پر ٹریننگ دی، ٹریننگ ورکشاپ میں ملک بھر کی 191 جامعات کے پروفیسرز اور طلباء و طالبات نے آن لائن شرکت کی۔
پروگرام کے ماسٹر ٹرینرز ڈاکٹر مقرب علی نے شرکاء کو پائیدار ماحول اور گرین کیمپس کے بارے میں جدید عملی مہارتوں سے روشناس کروایا، جبکہ ماحولیاتی تبدیلیاں، انفراسٹرکچر،ویسٹ مینجمنٹ،توانائی کے ذرائع،پانی کا منصفانہ استعمال،ٹرانسپورٹ اور تعلیم اور تحقیق کہ عالمی معیار سے آگاہی فراہم کی۔
پروگرام کے آخر میں یونیورسٹیز کے پروفیسرز اور طلباء و طالبات نے اپنے علاقائی حالات کے لحاظ سے عالمی درجہِ بندی میں شامل ہونے کے لیے جدید ٹیکنالوجی کے متعلق سوالات بھی کیے اور ماسٹر ٹرینر نے تفصیلی جوابات دیے۔
