ہائیر ایجوکیشن ڈیپارٹمنٹ نے چھ ڈویژنوں میں عارضی ڈائریکٹر کالجز تعینات کردئیے

ڈائریکٹر کے عہدے کے لیے انٹرویوز میں سلیکٹ ہونے والے پروفیسر مستقل پوسٹنگ کے آرڈرز جاری ہونے کے انتظار میں تھے کہ چار ستمبر کو ڈائریکٹر منتخب ہونے والی سمری کو مسترد کر دیا گیا ہےش اور چیف منسٹر کی جانب سے یہ ہدایت کی گئی ہے کہ نئے سرے سے پینلز بنائے جائیں، اور سارا پروسیجر پھر سے کیا جائے۔

اب تک ڈائریکٹرز کی سیٹوں پر کام کرنے والوں کی مدت ختم ہو چکی تھی، جس پر چھ ڈویژنوں کے ڈائریکٹرز تبدیل کردئیے گئے ہیں۔

جاری مراسلے میں کہا گیاہے کہ چھ ڈویژنوں میں ڈائریکٹر کالجز کو 89(تین ماہ)کے لئے ایڈیشنل چارج پر تعینات کیا جاتا ہے، ان میں ڈائریکٹر محمد اشفاق کو بہاولپور ڈویژن ، مسٹر ندیم احمد قریشی کو ڈیرہ غازی خان ڈویژن، ڈاکٹر ابوالحسن کو ملتان ڈویژن، مسٹر محمد زاہد کو لاہور ڈویژن، شی احمد سیٹھی کو راولپنڈی ڈویژن ، اور سرفراز احمد کو سرگودھا ڈویژن تعینات کیا گیا ہے ۔