Breaking NewsSportsتازہ ترین
انٹر ڈویژن آرچری چیمپئن شپ کے لیے ملتان ڈویژن کے ٹرائلز آج ہونگے
![](https://dreporters.com/wp-content/uploads/2021/08/IMG_20210804_000306.jpg)
انٹرنیشنل اولمپک ڈے کی مناسبت سے سپورٹس اینڈ یوتھ افئیر ڈیپارٹمنٹ پنجاب کے تعاون سے بھوربن مری میں 22 جون سے شروع ہونے والی انٹر ڈویژن آرچری چیمپئن شپ کے سلسلہ میں ملتان ڈویژن کی مرد اور خواتین ٹیم کے انتخاب کے لیے ٹرائلز آج سپورٹس کمپلیکس ملتان میں منعقد کیے جائیں گے۔
رانا ندیم انجم ڈویژنل سپورٹس آفیسر ملتان کے مطابق اس ایونٹ میں ہر ڈویژن سے میل اور فی میل ٹیم شرکت کرے گی۔
اس سلسلہ میں ملتان ڈویژن کی ٹیم کے لیے ٹرائلز صبح دس بجے منعقد کیے جائیں گے، اس ایونٹ میں ڈیپارٹمنٹل کھلاڑیوں کی شرکت پر پابندی ہوگی۔
منتخب ٹیم 22جون سے بھوربن مری میں منعقد ہونے والی دو روزہ انٹر ڈویژن آرچری چیمپئن شپ میں حصہ لے گی۔
ان ٹرائلز میں ملتان ڈویژن سے تعلق رکھنے والے کھلاڑی شرکت کریں گے۔