انٹر یونیورسٹیز ویمن اسکواش ٹورنامنٹ لمز یونیورسٹی لاہور نے جیت لیا
بہاء الدین زکریایونیورسٹی ملتان میں ہونے والے آل پاکستان نویں ایچ ای سی انٹر یونیورسٹیز وومن اسکوائش ٹورنامنٹ کو لمز یونیورسٹی لاہور نے جیت لیا۔
بہاء الدین زکریا یونیورسٹی دوسرے جبکہ اسلامیہ یونیورسٹی بہاول پور تیسرے نمبر پر رہی۔
فائنل میچ میں لمز یونیورسٹی کی سارہ طارق اور حیاء العین نے بہاء الدین زکریا یونیورسٹی کی رخسار گل اور نور العین کو شکست دی۔
جیتنے والی ٹیم کو 32ہزار جبکہ رنر اپ کو 24ہزار روپے ، اور تیسرے نمبر پر آنے والی ٹیم کو 18ہزار روپے نقد انعام کے ساتھ میڈلز اور ٹرافیاں بھی دی گئیں۔
تقسیم انعامات کی تقریب میں آر او ڈاکٹر طاہر محمود، چیئرمین ملتان فٹ بال ایسوسی ایشن میاں جاوید، چیئرمین اسکوائش ایسوسی ایشن ڈاکٹر ارج فرید اور اسسٹنٹ ڈائریکٹر سپورٹس عابدہ خان نے شرکت کی۔
اس موقعہ پر خطاب کرتے ہوئے آر او ڈاکٹر طاہر محمود نے کہا کہ خواتین کا کامیاب ٹورنامنٹ ملک میں خواتین کی غیر نصابی سرگرمیوں کو فروغ دینے میں اہم سنگ میل ہے۔
