اسلامی ممالک کی تنظیم فوڈ سکیورٹی آئی او ایف سی کے وفد کی زرعی یونیورسٹی آمد
ایم این ایس زرعی یونیورسٹی میں اسلامی ممالک کی تنظیم فوڈ سکیورٹی آئی او ایف سی کے وفد نے چیئرمین ایگزیکٹو بورڈ ڈاکٹر مسعود۔جے۔آئی۔ماری اور پروفیسر ڈاکٹر ذوالفقار علی ڈائریکٹر پروگرامز اینڈ پراجیکٹس کی سربراہی میں دورہ کیا، اس دورہ کا بنیادی مقصد پاکستان کی انڈسٹری اور او۔آئی۔سی ممالک کے درمیان باہمی اشتراک کو مضبوط کرنا تھا اور کاروباری افراد کے لیے مواقع پیدا کرنا تھا۔
جس سے مزید کاروباری طبقہ اور کسانوں کے پاس اپنی پروڈکٹس برآمدات بڑھانے کے مواقع ملیں گے، جس سے نہ صرف کسان کی مالی صلاحیت پروان چڑھے گی بلکہ قومی جی ڈی پی میں بھی خاطر خواہ اضافہ ہوگا۔
وائس چانسلر پروفیسر ڈاکٹر آصف علی(تمغہ امتیاز) نے کہا کہ زرعی یونیورسٹی ملتان او۔آئی۔سی اور انڈسٹری کے درمیان روابط میں کلیدی کردار ادا کرے گی۔
مزید کہا کہ زرعی یونیورسٹی انڈسٹری اور اکڈیمیا کے ایک ساتھ کام کرنے پر یقین رکھتی ہے۔
او ایف سی کے وفد نے زرعی یونیورسٹی ملتان کے اس احسن اقدام کو سراہا۔
اس موقع پر ڈاکٹر شفیق پتافی،آصف مجید،رانا مشتاق، غلام فرید رائز ہے، سیف الرحمن سمیت یونیورسٹی کی فیکلٹی موجود تھی۔
