اسلامی جمعیت شجر سایہ دار ہے : سراج الحق

اسلامی جمعیت طلبہ پاکستان کے سالانہ اجتماع ارکان سے خطاب کرتے ہوئے سراج الحق امیر جماعت اسلامی پاکستان نے کہا کہ اسلامی جمعیت شجر سایہ دار ہے جس کی خوشبو سے پورا ماحول معطر ہو رہا ہے۔

ان کا کہنا تھا کہ جمعیت کی داستان قربانیوں، شہادتوں اور عزم و ہمت کی داستان ہے، جمعیت کا قافلہ رحمت اور امید کی نوید ہے، جمعیت اخلاق وکردار کا نام ہے جو پاکستان ہی نہیں پورے عالم اسلام کا فخر ہے۔

اُن کا مزید کہنا تھا کہ پاکستان کے طلبہ آج بھی اپنے حق سے محروم ہیں، یونین کی بحالی طلبہ کا آئینی ، جمہوری اور قانونی حق ہے ، لیکن اس جمہوریت کے دور میں طلبہ کو اُن کے جمہوری حق سے محروم رکھنا کہاں کی جمہوریت ہے۔

یہ ہماری حکومت کے لیے سوالیہ نشان ہے کہ جو طلبہ اس ملک کا اثاثہ ہیں انہیں تعلیمی سہولیات سے محروم رکھا جا رہا ہے۔