ملتان کے سکولوں میں جشن بہاراں کےلئے تیاریاں
محکمہ تعلیم نے پنجاب بھر کے سرکاری سکولوں میں 12 سے16 مارچ تک "ہفتہ جشن بہاراں” منانے کا اعلان کیا ہے ، اور ہدایت کی ہے کہ سکولوں میں 12 سے 16 مارچ تک مختلف تقریبات کا انعقاد کیا جائے۔
فلاور شو، کلچرل شو، ڈرامہ، تقریری مقابلے اور فن فیئر کا انعقاد بھی کیا جائے ، ان احکامات کی روشنی میں ملتان کے سکولوں میں جشن بہاراں کےلئے تیاریاں شروع کردی ہیں۔
تمام سی ای اوز کو ہدایت کی گئی ہے کہ جشن بہاراں کے سلسلے میں کچھ سرگرمیاں براہ راست بھی دکھائی جائیں گی، اس لئے ایونٹ کو کامیابی سے منعقد کرانے کےلئے اقدامات شروع کردیے جائیں ۔
محکمہ سکولز ذرائع کا کہنا ہے کہ تمام سکولوں کے سربراہان کو کہاگیا ہے کہ اس ہفتے میں ہر طالبعلم ایک پودا لگائے گا اور اسکی دیکھ بھال کی ذمہ داری بھی لے گا ،سکول پودے کے سلسلے میں محکمہ جنگلات سے رابطہ کریں گے ، جبکہ کلچر شو اور ڈرامے کا سکرپٹ احتیاط سے مرتب کیا جائے ، جس میں تقافتی روایات کو مدنظر رکھا جائے ۔
محکمہ سکولز حکام کا کہنا ہے کہ جشن بہاراں کے دوران سالانہ امتحانات کا سلسلہ بھی جاری رہے گا، امتحانات کا شیڈول کسی صورت متاثر نہیں کیا جائے ۔گا۔
