محکمہ لٹریسی اینڈ نان فارمل بیسک ایجوکیشن پنجاب کے وفد کا ایجوکیشن سیکرٹریٹ جنوبی پنجاب کا دورہ

لاہور سے آئے محکمہ لٹریسی اینڈ نان فارمل بیسک ایجوکیشن پنجاب کے ایک اعلیٰ سطحی وفد نے گزشتہ روز ملتان میں ایجوکیشن سیکرٹریٹ جنوبی پنجاب کا دورہ کیا اور سیکرٹری اسکول ایجوکیشن ڈاکٹر عبیداللہ کھوکھر سے ملاقات کی، اس موقع پر ایڈیشنل سیکرٹری خواجہ مظہر الحق بھی ملاقات میں شریک تھے۔

وفد نے محنت کش بچوں کو مفت تعلیم کی فراہمی کے لیے محکمہ سکول ایجوکیشن جنوبی پنجاب کے صبح نو اسکول کے منصوبے کی تعریف کی اور بچوں کو معیاری تعلیم کی فرایمی، جدید ووکیشنل ماڈلز کی پالیسی اور اس کو اپنانے کا نظام وضع کرنے کے لیے جاپان انٹرنیشنل کوآپریشن ایجنسی (JICA) اور دیگر حکومتی اداروں کے تعاون پر اتفاق کیا۔

باہمی بات چیت کے دوران بچوں کو ووکیشنل ٹریننگ دینے، مڈل ٹیک کی ترقی اور نصاب کے امور زیر غور آئے۔