بین الاقوامی ثقافتی پیغام رسانی مرکز ملائیشیا اور زرعی یونیورسٹی کے مابین ایم او یو پر دستخط
ایم این ایس ذرعی یونیورسٹی ملتان اور بین الاقوامی ثقافتی پیغام رسانی مرکز ملائیشیا اور ایم این ایس ذرعی یونیورسٹی کے درمیان تعلیمی شعبہ جات میں تعاون اور مشترکہ تعلیمی پروگرامز کے لیے مفاہمتی یادداشت پر دستخط کیے گئے۔
اس موقع پر ملائشیا کی طرف سے لو ہوئی آن اور ان کی ٹیم نے شرکت کی، جبکہ ایم این ایس زرعی یونیورسٹی ملتان کی طرف سے پروفیسر ڈاکٹر اشتیاق احمد رجوانہ وائس چانسلر زرعی یونیورسٹی پروفیسر ڈاکٹر محمد آصف رضا ڈین فیکلٹی آف ویٹرنری اینڈ اینیمل سائنسز اور ڈاکٹر تنویر احمد چیئرمین شعبہ ہارٹیکلچر نے شرکت کی۔
اس موقع پر وائس چانسلر زرعی یونیورسٹی نے اس عزم کا اظہار کیا کہ مفاہمتی یاداشت سے مختلف تعلیمی شعبہ جات میں تعاون کو مزید فروغ ملے گا۔
آئی سی سی ایم کے مینیجنگ ڈائریکٹر لو ہوئی آن نے اس عزم کا اظہار کیا کہ دونوں ادارے مل کر تعلیمی اور ثقافتی شعبہ جات میں مشترکہ کاوشوں سے مختلف طریقہ کار سے مشترکہ جدو جہد کریں گے۔
