مدرسہ سکولوں میں زیر تعلیم طلباء کے لئے خوشخبری

محکمہ تعلیم نے مدرسہ سکولوں میں زیر تعلیم طلباء کو تین وقت کا معیاری کھانا دینے کا حکم دیا ہے ۔ ہاسٹل میں مقیم بچوں کو صبح، دوپہر اور شام کا کھانا مہیا کرنے کی ہدایت کردی۔

پنجاب بھر کے 208 مدرسہ سکولوں میں زیر تعلیم 8 ہزار دو سو بچے ہاسٹل میں مقیم ہیں، ڈائریکٹوریٹ آف مذہبی تعلیم نے بچوں کو پورے ہفتے مفت کھانا دینے کا شیڈول بھی جاری کردیا۔

محکمہ تعلیم کے مطابق بچوں کو معیاری فوڈ دینے کیلئے فنڈز ڈائریکٹوریٹ آف مذہبی تعلیم فراہم کرے گا، مدرسہ سکولوں میں سپورٹس ایکٹیویٹی کو بھی جلد بحال کیا جائے گا۔