صادق کالج ویمن یونیورسٹی بہاولپور : محمد انصر مغل نئے خزانہ دار تعینات

دی گورنمنٹ صادق کالج ویمن یونیورسٹی بہاولپور میں محمد انصر مغل نئے خزانہ دار تعینات ہوگئے۔

اس موقع پر پروفیسر ڈاکٹر اشفاق محمود قریشی وائس چانسلر، ڈاکٹر فاطمہ مظہر رجسٹرار دی گورنمنٹ صادق کالج ویمن یونیورسٹی بہاولپور سمیت اکاؤنٹ آفس کے ملازمین نے کرنٹ خزانہ دار کو تعیناتی پر مبارکباد پیش کی اور ان کیلئے نیک خواہشات کا اظہار کیا۔

یاد رہے کہ محمد انصر مغل کا شمار پاکستان کے مشہور چارٹڈ مینجمنٹ اکاؤنٹنٹس میں ہے، وہ فیڈرل بورڈ آف ریونیو اور محکمہ مواصلات سمیت مختلف اداروں میں اکاؤنٹس کی فیلڈ میں 27 سال سے زائد خزانہ کے امور بارے وسیع تجربہ رکھتے ہیں۔

محمد انصر مغل دی گورنمنٹ صادق کالج ویمن یونیورسٹی کے پانچویں خزانہ دار تعینات ہوئے ہیں، اس کے علاوہ یونیورسٹی آف جھنگ کے خزانہ دار کی اضافی زمہ داریاں بھی ادا کر رہے ہیں۔