Breaking NewsNationalتازہ ترین

سفارتی پاسپورٹ ملتے ہی نوازشریف یورپ روانہ

سفارتی پاسپورٹ ملنے کے بعد قائد مسلم لیگ (ن) نواز شریف اپنی بیٹی مریم نواز کے ہمراہ یورپ روانہ ہوگئے۔

ذرائع کے مطابق نوازشریف اور مریم نواز فیملی کیساتھ آج صبح لندن سے یورپ روانہ ہوئے، نواز شریف کا لندن میں تین سالہ قیام کے دوران برطانیہ سے پہلا انٹرنیشنل سفر ہے۔

ذرائع کا کہنا ہے کہ نوازشریف اور مریم یورپ کے مختلف ممالک میں جائیں گے وہ ایک ہفتے یورپ میں قیام کرینگے۔

یاد رہے کہ نواز شریف تین سال قبل 20 نومبر 2019 کو علاج کی غرض سے لندن گئے تھے، عدالتوں سے مفروری پر پی ٹی آئی حکومت نے ان کا پاسپورٹ منسوخ کردیا تھا، تاہم موجودہ حکومت نے کچھ دن قبل ہی نوازشریف کو پاسپورٹ جاری کیا تھا۔

نواز شریف کو جاری کیا جانے والا یہ سفارتی پاسپورٹ ہے جس کی مدت دس سال ہے یہ ترجیحی بنیاد پر عام کیٹیگری میں جاری کیا گیا تھا۔

یاد رہے کہ وزارت عظمیٰ کا منصب سنبھالنے کے بعد وزیراعظم شہبازشریف نے اپنے بڑے بھائی میاں نواز شریف کو سفارتی پاسپورٹ اور اسحاق ڈار کو عام پاسپورٹ جاری کرنے کا حکم دیا تھا۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں