پنجاب بھر کے تعلیمی بورڈز نے نئی پریکٹیکل پالیسی کا اعلان کردیا

پی بی سی سی کے فیصلہ کی روشنی میں پنجاب کے تمام تعلیمی بورڈز نے میٹرک اور انٹرمیڈیٹ کا امتحان دینے والے طلباء کو بڑی سہولت دے دی، تھیوری میں 33 نمبر لینے والوں کیلئے پریکٹیکل میں پاس ہونا لازمی نہیں ہوگا۔

نوٹیفکیشن میں کہاگیا ہے کہ امتحانی نظام سے متعلق اہم پالیسی کی منظوری دی گئی ہے، پارٹ ون ٹو دونوں میں 33 ،33 نمبر لینے والے طلباء کو پریکٹیکل میں بھی پاس تصور کیا جائے گا، جبکہ پرانے نظام میں پریکٹیکل میں فیل ہونیوالا بچہ مذکورہ مضمون میں فیل ہوتا تھا۔

نئی پالیسی کا نفاذ فی الفور کیا جائے گا۔