تعلیمی اداروں میں چھٹیوں کے حوالے سے کوئی فیصلہ نہ ہوسکا

موسم سرما کی تعطیلات کے حوالے سے افواہوں کا بازار گرم ہے موسم شدت کی وجہ سے والدین شدید پریشانی کا شکار ہیں، جس پر افواہیں پھیل گئیں کہ چھٹیاں 15 جنوری تک بڑھائی جارہی ہیں۔

تاہم نگران حکومت نے واضح کردیا ہے کہ تاحال چھٹیوں کے حوالے سے کوئی فیصلہ نہیں ہوا ہے، تعطیلات بڑھانے یا نہ کرنے کا فیصلہ محکمہ سکول ایجوکیشن کی سفارشات کی بنیاد پر کیا جائے گا۔

سرد موسم کی شدت کے باعث مزید توسیع کو خارج از امکان قرار نہیں دیا جا سکتا، صوبائی حکومت کی جانب سے آئندہ ایک دو روز میں فیصلہ متوقع ہے۔