Breaking NewsNationalتازہ ترین

’لانگ مارچ میں کسی کو فساد پھیلانے کی اجازت نہ دی جائے‘:وزیر اعظم

وزیراعظم شہباز شریف کا کہنا ہے کہ لانگ مارچ میں کسی کو قانون ہاتھ میں نہ لینے دیں اور نہ ہی فساد پھیلانے کی اجازت دی جائے۔

وزیراعظم کی زیر صدارت لانگ مارچ اور امن و امان سے متعلق اجلاس ختم ہوگیا جس میں وزارت داخلہ نے پی ٹی آئی لانگ مارچ سے متعلق پلان پیش کیا۔

ذرائع کے مطابق وزارت داخلہ نے لانگ مارچ اور امن و امان کی صورت حال پر وزیراعظم کو بریفنگ دی۔

وزیراعظم شہباز شریف نے لانگ مارچ کے دوران امن و امان کو یقینی بنانے کے لیے تمام اقدامات بروئے کار لانے کی ہدایت کردی۔

اس سے قبل پاکستان تحریک انصاف کے چیئرمین اور سابق وزیر اعظم عمران خان کا کہنا ہے کہ ہماری حقیقی آزادی کی تحریک کا مقصد سیاسی فائدہ یا حکومت گرانا نہیں۔

ان کا کہنا تھا کہ انصاف دے کر اس ملک میں خوشحالی لائی جائے، ایک چھوٹا سا طبقہ قبضہ کر کے بیٹھا ہے، چوری کرتا ہے اور خود کو این آر او دیتا ہے، اس طبقے سے حقیقی آزادی کے لیے یہ تحریک ہے، عوام فیصلہ کریں گے شفاف انتخابات سے کس کو منتخب کریں گے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں