Paid ad
Breaking NewsNationalتازہ ترین

سیاسی دباؤ قبول نہیں، مرضی سے فیصلے کیے جائیں گے، نواز شہباز میں اتفاق

وزیر اعظم شہباز شریف اور نواز شریف کے درمیان ملاقات میں طے پایا ہے کہ سیاسی امور پر کوئی دباؤ قبول نہیں تمام فیصلے مرضی سےکئے جائیں گے۔

وزیر اعظم شہباز شریف نے لندن میں پارٹی قائد میاں نواز شریف سے ملاقات کی،ملاقات میں اتفاق رائے سے طے پایا کہ تمام فیصلے مرضی سے کئے جائیں گے، سیاسی ملکی امور سے متعلق کوئی دباؤ قبول نہیں کیا جائے گا۔

وزیر اعظم شہباز شریف گزشتہ رات مصر میں کوپ 27 کانفرنس کے اختتام پر پاکستان واپسی کی بجائے نجی ائیر لائن کے زریعے لندن پہنچےاور سابق وزیر اعظم نواز شریف سے ملاقات کی۔

ملاقات میں سیاسی صورتحال معاشی صورتحال سمیت اہم ملکی امور پر مشاورت کی گئی،ملاقات میں آئندہ کی سیاست اور حکمت عملی سے متعلق بات چیت بھی کی گئی۔

ملاقات میں آئندہ انتخابات، آرمی چیف کی تقرری سمیت تمام امور پر مشاورت بھی کی گئی۔

وزیر اعظم شہباز شریف لندن میں مزید ایک روز قیام کریں گے۔

قبل ازیں وفاقی وزیر اطلاعات مریم اورنگزیب کے ٹوئٹر بیان کے مطابق وزیراعظم شہباز شریف مصر کے شہر شرم الشیخ میں موسمیاتی کانفرنس ’’کوپ 27‘‘ میں شرکت کے بعد نجی پرواز کے ذریعے لندن روانہ ہوئے تھے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button