پی سی بی انٹر کلب کرکٹ ٹورنامنٹ 20 اپریل سے شروع ہوگا
پاکستان کرکٹ بورڈ کلب کرکٹ کی بحالی کے لیے کوشاں ہے، اسی سلسلہ میں پی سی بی انٹر کلب کرکٹ ٹورنامنٹ کا آغاز بیس اپریل سے ملتان سمیت دیگر شہروں میں ہونے جارہا ہے۔
ان خیالات کا اظہار محمد ارسلان خان صدر ملتان ڈسٹرکٹ کرکٹ ایسوسی ایشن نے انٹر کلب ٹورنامنٹ کے سلسلہ میں ایم ڈی سی اے کی ایگزیکٹیو کمیٹی سے خطاب کرتے ہوئے کیا۔
انہوں نے کہا کہ پی سی بی کی فراہم کردہ لسٹ جس کے مطابق 2018 کی سکروٹنی میں ایکٹیو اور ان ایکٹیو کرکٹ کلبز جن کی ملتان میں تعداد 42 کے قریب ہے حصہ لینگے، اس سلسلہ میں وقت کی قلت کے پیش نظر تمام کرکٹ کلب جوائنٹ سیکرٹری ایم ڈی سی اے سے پلیر ڈیٹا فارم حاصل کرسکتے ہیں۔
جبکہ تمام کلب کے صدر اور کپتان چھ اپریل 2024 بروز ہفتہ کو سہہ پہر تین بجے ایم سی جی گراؤنڈ نواں شہر ملتان میں کلب کے ممبران کے ڈیٹا فارم کے ہمراہ شرکت کرینگے، جن کو ٹورنامنٹ کے بارے میں بریفنگ دی جائے۔
