پیف کا پارٹنر سکولوں کےلئے بڑا اعلان
![](https://dreporters.com/wp-content/uploads/2021/12/images-1-11.jpeg)
پنجاب ایجوکیشن فاؤنڈیشن نے بورڈ آف ڈائریکٹرز کی منظوری کی روشنی میں درجہ بندی کی بنیاد پر بہترین کارکردگی دکھانے والے اے سٹار کیٹگری سکولوں کی ماہانہ پیمنٹس میں 40 فیصد جبکہ اے (A)کیٹگری میں آنے والے سکولوں کی ماہانہ پیمنٹس میں 25فیصد تک اضافہ کرنے کا فیصلہ کر لیا ہے۔
ترجمان نے بتایا کہ یہ اضافہ اگلے تعلیمی سال 2024-25 سے کیا جائے گا، ترجمان نے مزید بتایا کہ منیجنگ ڈائریکٹر پنجاب ایجوکیشن فاؤنڈیشن شاہد فرید کے احکامات پر پیف کی ویب سائیٹ پر تفصیلی سرکلر جاری کر دیا گیا ہے۔
جس میں بتایا گیا ہے کہ پیف پارٹنرز کی پیمنٹس میں اضافہ درجہ بندی کی بنیاد پرکیا جائے گا، اے سٹار کیٹگری سکولوں کی پیمنٹس میں جماعت نرسری تا دوئم تک 30 فیصد اور جماعت سوئم تا بارہویں تک 40 فیصد اضافہ کیا جائے گا۔
اے کیٹگری سکولوں کی پیمنٹس میں جماعت نرسری تا دوئم تک 20فیصد اور جماعت سوئم تا بارہویں تک 25 فیصد اضافہ کیا جائے گا۔
ترجمان نے مزید بتایا کہ پنجاب ایجوکیشن فاؤنڈیشن کی انتظامیہ کم بجٹ اور مالی مشکلات کے باوجود سکول پارٹنرز کی فلاح اور بھلائی کے لیے گاہے بگاہے احسن اقدامات اٹھاتی رہتی ہے۔
پیف انتظامیہ کی ہر ممکن کوشش ہے کہ طلباء و طالبات کو معیاری تعلیم کی فراہمی کے لیے پیف پارٹنرز کو فنڈز فراہم کیے جائیں گے تاکہ پیف پارٹنرز بہترین تعلیمی خدمات سر انجام دے سکیں۔