انٹرمیڈیٹ طلباء کی شکایات کے ازالہ کےلئے پورٹل بنا دیا گیا

انٹرمیڈیٹ طلباء کی امتحانات سے متعلق شکایات کے فوری ازالہ کے لئے’شکایات پورٹل’ بنا دیا گیا۔

پنجاب آئی ٹی بورڈ نے ہائیر ایجوکیشن ڈیپارٹمنٹ کے اشتراک سے انٹرمیڈیٹ طلباء و طالبات کے امتحانات سے متعلق خدشات کو دور کرنے اور شکایات کے اندراج کیلئے ایگزامینیشن کمپلینٹس پورٹل متعارف کروادیا ہے۔

امتحانات سے متعلق کسی بھی شکایت کی صورت میں طلباء و طالبات اور والدین آن لائن شکایات فارم فل کر کے با آسانی شکایات درج کرا سکتے ہیں۔

شکایت کو متعلقہ بورڈ کو بھیج دیا جائے گا اور ضروری کارروائی عمل میں لائی جائے گی۔