Breaking NewsNationalتازہ ترین

وزیراعظم کا ترک سرمایہ کاروں کے لئے اہم اعلان

وزیراعظم شہباز شریف نے ترک سرمایہ کاروں کو پاکستان میں سرمایہ کاری کی دعوت دی ہے۔

ان خیالات کا اظہار وزیراعظم نے استنبول میں ترکیہ کےصدر اردوان کے ساتھ مشترکہ پریس کانفرنس کے دوران کیا، وزیراعظم نے ترکیہ میں دہشت گردی کی کارروائی کی مذمت کی اور دہشت گردی کی کارروائی میں جانی نقصان پر ترک صدر سے اظہار افسوس کیا۔

وزیراعظم نے کہا کہ صدر رجب طیب اردوان کی پرجوش میزبانی پرانتہائی مشکورہوں، روز اول کی طرح پاکستان اورترکیہ کےگہرےاور برادرانہ تعلقات ہیں۔

مشترکہ پریس کانفرنس میں وزیراعظم نے کہا کہ رواں پاکستان کو تاریخ کے بدترین سیلاب کاسامنا رہا، پاکستان اورترکیہ نے ہر مشکل وقت میں ایک دوسرے کی مدد کی، قدرتی آفت کے دوران ترکیہ سے سیلاب متاثرین کیلئے15طیارے بھی پہنچے۔

عالمی سطح پر بڑھتی مہنگائی کا تذکرہ کرتے ہوئے وزیراعظم پاکستان نے کہا کہ دنیا بھر میں اشیا کی قیمتوں میں اضافے سے ترقی پذیرممالک متاثر ہورہےہیں۔

اس موقع پر انہوں نے ترک سرمایہ کاروں کو پاکستان میں سرمایہ کاری کرنے کی دعوت دی اور کہا کہ پاکستان میں سرمایہ کاری کےوسیع مواقع موجود ہیں، سی پیک سےخطےمیں تعمیروترقی کانیادورشروع ہوگا،ترک سرمایہ کاروں کوپاکستان میں سرمایہ کاری کی دعوت دیتاہوں۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

پاکستان میں کرونا وائرس کی صورت حال

گھر پر رہیں|محفوظ رہیں