محکمہ بہبودی آبادی کا پیغام گھر گھر پہنچانے کےلئے ریڈیو پروگرام
![](https://dreporters.com/wp-content/uploads/2023/02/IMG-20230210-WA0034-640x470.jpg)
ڈائریکٹر جنرل پاپولیشن ویلفئیر پنجاب لاہور کی طرف سے ہدایات جاری کی گئی ہیں کہ محکمہ بہبود آبادی کی سہولیات اور ادویات کی مفت دستیابی سے متعلق پیغام عوام الناس تک گھر گھر پہنچایا جائے ۔
اس ہدایت پر عمل کرتے ہوئے ڈسٹرکٹ پاپولیشن ویلفیئر آفیسر ملتان فیاض احمد چوہدری نے ڈپٹی ڈسٹرکٹ پاپولیشن ویلفئیر آفیسرز ملتان ملک محمد حسن اور ڈاکٹر عفت عمر کے ہمراہ ریڈیو پاکستان کے میڈیم ویو اور FM93 ملتان کے براہ راست پروگرام رابطہ میں شرکت کی۔
اس موقع پر انھوں نے اپنی ٹیم کے ہمراہ ریڈیو پاکستان ملتان رابطہ پروگرام میں محکمہ بہبودِ ابادی کی خدمات کے حوالے سے تفصیلات بتائیں، اور رابطہ پروگرام کے ریڈیو کمپئیرز کے سوالات کے جواب بھی دئیے ۔
ڈسٹرکٹ پاپولیشن ویلفئیر آفیسر ملتان فیاض احمد چوہدری نےبتایا کہکسی بھی ملک یا معاشرے کی خوشحالی کا دارومدار وسائل کے آبادی کے ساتھ متوازن اور ان کےبہترین استعمال پر ھوتا ھے ۔
انھوں نے تمام سامعین سے گزارش کی کہ تمام شعبہ ہائے زندگی سے تعلق رکھنے والے افراد اس قومی فریضہ کی انجام دہی میں محکمہ بہبودِ آبادی کا ساتھ دیں تاکہ بہترین اور صحت مند معاشرے کی تشکیل کی جا سکے جس میں ہر ماں اور بچہ صحت مند ہو ، اور تمام افراد کو زندگی کی بنیادی سہولیات فراہم ہوں انھوں نے کہا کہ محکمہ بہبودِ ابادی کے پیغام کو ہر گھر تک پہنچانے کے لیئے تمام تر وسائل بروئے کار لا رہا ھے جس سے لوگوں میں شعور پیدا ہو رھا ہے۔
ڈپٹی ڈسٹرکٹ پاپولیشن ویلفیئر آفیسر ملک محمد حسن نے ضلع بھر میں جاری خاندانی منصوبہ بندی آگاہی مہم جبکہ ڈاکٹر عفت عمر بچہ نے موبائل سروس یونٹ کے فری میڈیکل کیمپس کےبارے میں تفصیل سے آگاہ کیا۔