ایشیا کپ کی افتتاحی تقریب کےلئے ملتان میں تیاریاں شروع کردی گئیں

ایشیا کپ کا پہلا میچ 30 اگست کو ہونے جارہا ہے جس کےلئے تیاریاں شروع کردی گئیں، ٹیمیں 27 اگست کی شام کو ملتان پہنچیں گی ، پاکستانی ٹیم سری لنکا سے براہ راست ملتان پہنچے گی ، جبکہ کرکٹ کے انٹرنیشنل تجزیہ نگار بھی ملتان آرہے ہیں۔

دوسری طرف ایشیا کپ کے افتتاحی میچ کیلئے کرکٹ سٹیڈیم کی بھرپور صفائی ستھرائی کا اغاز کردیا گیا ہے، ویسٹ منیجمنٹ کمپنی کا سٹیڈیم اور روٹس کی دھلائی و سکریپنگ کیلئے خصوصی آپریشن کیا گیا۔

100 سے زائد ورکرز سٹیڈیم انکلوژرز و بلڈنگ کی مکمل صفائی اور دھلائی مین مصروف رہے، سینئر منیجر آپریشن فہیم لودھی اور ڈپٹی منیجر آپریشن عثمان خورشید نے سٹیڈیم کا دورہ کیا۔

سینئیر منیجر آپریشن نے کرکٹ سٹیڈیم کے روٹس اور بلڈنگ کی صفائی کا معائنہ کیا، ان کا کہنا تھا کہ کرکٹ شائقین کو بھرپور صاف ستھرا ماحول فراہم کرینگے۔