ڈاکٹر فرزانہ کوکب بہاءالدین زکریا یونیورسٹی کے شعبہ اردو کی چیئرپرسن تعینات

ڈاکٹر فرزانہ کوکب کو بہاءالدین ذکریا یونیورسٹی کے شعبہ اردو کی چیئرپرسن مقرر کر دیا گیا ہے، ان کے پیش رو ڈاکٹر ممتاز کلیانی 31 اگست کو ریٹائر ہو جائیں گے۔

یہ بھی پڑھیں ۔
جامعہ زکریا : طالبہ پر جملے کسنے پر چیئرمین شعبہ اردو کو “اظہار ناراضگی” کا نوٹس

رجسٹرار آفس کی طرف سے جاری کردہ نوٹیفکیشن کے مطابق زکریا یونیورسٹی کے وائس چانسلر پروفیسر ڈاکٹر محمد علی شاہ نے یونیورسٹی ایکٹ 1975 میں دئیے گئے اختیارات کے مطابق ڈاکٹر فرزانہ کوکب کو یکم ستمبر سے شعبہ کی چیئرپرسن کے طور پر فرائض سنبھالنے کی ہدایت کی ہے ۔

یہ بھی پڑھیں ۔
زکریا یونیورسٹی کے شعبہ اردو میں ناانصافی کی داستان، اسسٹنٹ پروفیسر کا احتجاج

ڈاکٹر فرزانہ کوکب اس وقت شعبہ اردو میں گریڈ 20 میں ایسوسی ایٹ پروفیسر کے طور پر تدریسی فرائض انجام دے رہی ہیں، وہ نقاد اور تخلیق کار ہیں ۔
ان کی دو تصانیف اور کئی تحقیقی اور تنقیدی مقالے ملکی و بین الاقوامی تحقیقی جرائد میں شائع ہو چکے ہیں۔ ان کے کئی ادبی مضامین بھی پاکستان اور بھارت کے اخبارات اور ادبی جرائد میں چھپ چکے ہیں ۔

ڈاکٹر فرزانہ کوکب یکم ستمبر سے بطور چئیر پرسن شعبہ اردو اپنی نئی ذمہ داری سنبھالیں گی۔