امتحانی سنٹر پر چیکنگ کےلئے آنے والی حکومتی نمائندے پیپر دیتے ہوئے سلفیاں بنانے لگے

حکومت پنجاب نے نویں کے امتحان میں نقل کو روکنے کےلئے مختلف افراد کو چیکنگ کا اختیار دے دیا جس کی وجہ سے امتحان کی پرائیویسی تو ختم ہوگئی جبکہ غیر متعلقہ افراد کی مداخلت بڑھ گئی۔

ایسی مثال وہاڑی میں پیش آئی جب منسٹری کی طرف سے آنے والے ایک افسر اور وہاڑی کی مسلم ن خواتین کی ڈسٹرکٹ صدر نے ایک سنٹر کو دورہ کیا اور امتحانی سنٹر میں پیپر دیتے ہوئے تصاویر بنوائیں، اور امتحانی مرکز میں طالبات کی جگہ پر بیٹھ کر پرچے حل کئے اور تصاویر سوشل میڈیا پر شیئر کردیں، جس پر ان کو شدید تنقید کا نشانہ بنایا گیا۔

شہریوں کا کہنا ہے کہ حکومت کی اقدامات سے امتحان کا تقدس ختم ہوگیا، بار بار مانیٹرنگ ٹیموں کی آمد سے امیدوار ڈسٹرب ہوتے ہیں، یہ افسر اور سیاست دان تصویر بھی بناتے ہیں، اعلیٰ حکام اس کا نوٹس لیں ۔