پنجاب ایجوکیشن بورڈ ایمپلائز ویلفیئر ایسوسی ایشن کا اجلاس آج طلب

ایسوسی ایشن کے چیئرمین ملک نثار احمد کے مطابق ثانوی و اعلیٰ ثانوی تعلیمی بورڈ سرگودھا کی میزبانی میں اجلاس کا ایجنڈا جاری کردیا گیا ہے ۔

ایجنڈا میں دو نکات کو خاص اہمیت دی گئی ہے، جس کے مطابق پنجاب بورڈ ایکٹ میں پنجاب حکومت کی طرف سے آرڈینینس کے ذریعے ترمیم ، پنجاب بھر کے تعلیمی بورڈز کی خود مختاری اور بنیادی سٹرکچر کا معاملہ اور اب تک ایسوسی ایشن کے پلیٹ فارم سے کی گئی کاوش پر تبادلہ خیال اور آئندہ کا لائحہ عمل طے کیا جائے گا۔ تعلیمی بورڈز کے ملازمین کیلئے الاؤنس کے معاملہ پر بھی سیر حاصل گفتگو کی جائے گی۔
اجلاس میں کسی بھی فاضل ممبر کی طرف سے پیش کیے گئے معاملہ پر بھی غوروخوض کیا جائے گا۔

اجلاس کیلئے مدعو کیے گئے ممبران کو صبح گیارہ بجے سے پہلے سرگودھا تعلیمی بورڈ پہنچے کیلئے کہا گیا ہے۔