پنجاب ایجوکیشن فاونڈیشن نے سکولوں میں نومبر ٹیسٹ کا اعلان کردیا

پیف نے اپنے سکولوں میں نومبر ٹیسٹ کا اعلان کردیا، جاری مراسلے میں کہا گیاہے کہ سکولوں میں پری کیو اے ٹی 7نومبر سے شروع ہوگا،جس میں سلیبس پوری کتاب کا 50 فیصد ہوگا۔

یہ ٹیسٹ صرف ان طلباء کا لیا جائے گا جن کانام درخواست کے ساتھ لف فہرستوں میں انرولمنٹ میں فراہم کیا گیا ہوگا، ان طلباء کا ٹیسٹ انکی کلاس کے مطابق لیا جائے گا۔

کیو اے ٹی کےلئے پرائمری سکول میں کلاس دوم سے 5ویں تک کی کوئی بھی دو کلاسز منتخب کی جائیں گی، جبکہ ایلمنٹری اور سکینڈری سکول کےلئے کوئی سی تین کلاسز منتخب کی جائیں گیش منتخب کلاسز کا تحریری امتحان ہوگا، یہ ٹیسٹ پاس کرنے کےلئے 50 فیصد طلباء کو 40 فیصد نمبر حاصل کرنا ہوں گے۔

تمام سکولوں کو ہدایت کی جاتی ہے کہ وہ طلباء کی فہرست جلد سے جلد فراہم کریں، اور ان کی حاضری کو یقینی بنائیں ۔