تعلیمی بورڈ ملتان سمیت پنجاب کے بھر تعلیمی بورڈز آج انٹرمیڈیٹ کے نتائج کااعلان کریں گے

ملتان بورڈ کے کنٹرولر امتحانات حامد سعید بھٹی کے مطابق انٹرمیڈیٹ پارٹ سیکنڈ کے سالانہ امتحان 2023 کے نتائج کا اعلان آج صبح 10 بجے جاری کیا جائے گا۔

طلباء و طالبات اپنے نتائج بورڈ کے ویب سائٹ پر دیکھ سکیں گے، جبکہ بورڈ کے پی آر او آفس میں نتائج بتانے کا اہتمام کیا گیا ہے، جبکہ ایسے امیدوار جو اپنے مضامین کی ری چیکنگ کرانا چاہتے ہوں، وہ بورڈ قانون کے تحت نتائج کے 15 روز کے اندر اپنی درخواست آن لائن اور فیس جمع کرا سکتے ہیں۔

دریں بورڈ حکام کے مطابق نتائج کے حوالے سے تقریب کمیٹی روم میں منعقد ہوگی، جس کی صدارت چیئرمین بورڈ حافظ قاسم کریں گے، جبکہ اس موقع پر سیکرٹری خرم شہزاد قریشی ، کنٹرولر حامد سعید بھٹی، بھی موجود ہوں گے ۔