پی پی ایس سی کا بڑا فیصلہ

پنجاب پبلک سروس کمیشن کے افسروں اور پیپر تیار کرنےو الوں کے مشاہروں میں اضافہ کردیاگیا ۔

تفصیل کے مطابق پی پی ایس سی حکام نے امتحانات کے شفاف انعقاد کے لئے پیپروں کی تیاری ، امتحانات کے انعقاد اور عملے کی تنخواہوں میں اضافے کا مطالبہ کیا تھا ، جس کو معمولی ردوبدل کے بعد منظور کرلیاگیا ہے ۔

جاری نوٹیفکیشن کے مطابق پیپر سیٹر کو اب ایک پرچہ کا 25 ہزار روپے ، پیپر کی تصدیق کرنے والوں کو 10ہزار روپے فی پرچہ، مارکنگ سکرپٹ والے کو 500 روپے فی پرچہ، ایڈوائزر کو 35 سوروپے فی یوم ادا کئے جائیں گے۔

جب کہ ٹرانسپورٹ چارجز ایک ہزار روپے فی یوم، ایم سی کیوز پیپر سیٹر کو 25 ہزار روپے فی پرچہ، سپروائزر کو 3ہزار فی سیشن ، ڈپٹی سوپروائزر 25سوروپے فی پرچہ، نگران کو 2ہزار روپے فی سیشن ، پانی پلانےوالے کو 12سوروپے فی سیشن اور بیرون شہر سے آنے والے ایڈوائزر کو 10 ہزار روپے فی دن ٹی اے / ڈی اے دیا جائے گا۔