پنجاب کے تعلیمی بورڈز سندھ کو میٹرک اور انٹر کے امتحانات میں گریڈنگ سسٹم کی تربیت فراہم کریں گے

پنجاب اور کے پی کے کی تعلیمی بورڈز کے بعد سندھ کے تعلیمی بورڈز میں بھی گریڈنگ سسٹم لانے کا فیصلہ کیاگیا ہے ۔

اس وقت پنجاب کے تمام بورڈز میں گریڈنگ سسٹم چل رہا ہے، جس کی کامیابی کے بعد سندھ کے بورڈز میں بھی اس سسٹم کو لانے کا فیصلہ کیاگیا ہے، اور آئندہ سال 2024 سے سند ھ میں گریڈنگ سسٹم ہوگا ۔

پنجاب بورڈ سندھ میں واقع تعلیمی بورڈز کو گریڈنگ سسٹم کے حوالے سے ٹریننگ فراہم کریں گے، رواں سال رزلٹ کارڈز میں نمبرز کے ساتھ گریڈز بھی جاری کیے گئے تھے۔آئندہ تعلیمی سال سے صرف گریڈز اور سی جی پی اے جاری کیے جائیں گے۔

طلباء نے حکومتی فیصلے کو خوش آئندہ قرار دے دیا، انکا کہنا ہے کہ مذکورہ طریقہ کار سے نقل کا خاتمہ اور تصوراتی تعلیم کو فروغ ملے گا۔