نہم کے پرچے قبل از وقت سوشل میڈیا پر جاری کرنے والوں کے خلاف کارروائی شروع
سیکرٹری تعلیم پنجاب نے تین روز قبل نویں کے پرچے سوشل میڈیا پر جاری کرنے پر کارروائی کا عندیہ دیا تھا، جس پر کارروائی شروع کردی گئی ہے۔
لاہور میں پہلا پرچہ درج کرلیا گیا ہے جو عرفان احمد کے خلاف درج کیاگیا ہے، سیکرٹری تعلیم کا کہنا ہے کہ الیکٹرانک جرائم کی روک تھام کے ایکٹ 2016 کے تحت امتحانی مراکز میں موبائل فون کے استعمال/سوالیہ پرچہ کو واٹس ایپ/سوشل میڈیا کے ذریعے مختلف وٹس ایپ گروپس میں شیئر پر سیکشن نمبر 3 کے مطابق جو کوئی بھی معلوماتی نظام اور ڈیٹا تک غیر مجاز طریقے ، بد نیتی کے ساتھ رسائی حاصل کرتا ھے، اسے 3 ماہ تک قید یا پچاس ھزار روپے تک جرمانہ یا دونوں سزائیں دی جائیں گیں۔
سیکشن نمبر 4 کے تحت جو کوئی بھی ڈیٹا کی غیر مجاز طریقے ، بد نیتی کے ساتھ نقل کرتا ھے یا اسے اگے منتقل کرتا ھے یا ایسا کرنے کا سبب بنتا ھے تو اسے 6 ماہ تک قید ،ایک لاکھ روپے یا اس سے زائد جرمانہ یا دونوں سزائیں دی جائیں گیں۔
سوشل میڈیا پر پر چہ جات شیئر کرنے والے کے خلاف قانون کے مطابق ایف آئی آر درج کر کے سزا دی جائے گی۔
