محکمہ سکولز پنجاب ٹائم ٹیبل اور سکیم آف سٹڈی جاری نہ کر سکا

محکمہ سکولز کی غفلت سے پورا سال گزر گیا تاحال سلیبس پڑھانے کیلئے ٹائم ٹیبل ہی جاری نہ کیا جاسکا، اساتذہ و طلباء پریشانی کا شکار ہوگئے۔

وہ تذبذب کا شکار ہیں کہ کیا پڑھائیں،کتنا پڑھایا جائے، اساتذہ کو ابھی تک ٹائم لائن بارے معلوم ہی نہیں۔

طلباء کا کہنا ہے کہ ہر سال کے شروع میں بچوں کو تمام مضامین پڑھانے کیلئے الگ سے ٹائم ٹیبل جاری کیا جاتا ہے، سالانہ امتحان میں صرف 3 ماہ باقی رہ گئے ہیں۔

ٹائم ٹیبل جاری نہ ہونے سے اساتذہ بھی پریشانی سے دوچار ہیں، سکول ایجوکیشن ڈیپارٹمنٹ نے معاملے پر خاموشی اختیار کرلی۔