محکمہ سکولز نے ترقی پانے والے اساتذہ کے تبادلوں کا اعلان کردیا
محکمہ سکولز نے پنجاب بھر کے سکولوں کے ایسے اساتذہ جن کی حال میں ترقی ہوئی ہے کے تبادلے کی اجازت دی گئی ہے۔
اس سلسلے میں جاری مراسلے میں کہاگیا ہےکہ پہلے مرحلے میں ایسے اساتذہ جن کی ترقی ہوئی اور ان کا ریکارڈ سکول انفارمیشن سسٹم میں موجود ہے، تبادلے کےلئے آن لائن درخواستیں دے سکتے ہیں، درخواستیں 22 اپریل سے 27 اپریل تک دی جاسکیں گے، جن کی تصدیق کا عمل 28 اپریل کو کیا جائے گا جبکہ 30 اپریل کو تبادلے کے احکامات جاری کئے جائیں گے۔
مراسلے میں کہا گیا ہے کہ تبادلے کے شیڈول کو تصدیق کے بعد تمام سوشل میڈیا گروپس میں اساتذہ کی آگاہی کے لیے جاری کیا جائے، ای ۔ ٹرانسفر راؤنڈ کے آغاز سے پہلے اسکول انفارمیشن سسٹم پر ترقی لینے والے استاد کی حیثیت کو اپ ڈیٹ (ٹیگ کیا جائے گا)، ای ٹرانسفر راؤنڈ کے دوران تمام دستیاب خالی آسامیوں پر ترقی پانے والے اساتذہ سے پوسٹنگ کے لیے ترجیحات طلب کی جائیں گی، پوسٹنگ آرڈر ان کی سنیارٹی اور دی گئی ترجیحات کے مطابق جاری کیے جائیں گے۔
اگر اساتذہ ای-ٹرانسفر راؤنڈ کے دوران ان کو پیش کردہ تمام دستیاب آپشنز کے مقابلے میں کم آپشنز کی نشاندہی / منتخب ہونے کی وجہ سے کوئی ترجیح شامل نہیں کرتے یا پروموشن کو عملی جامہ پہنانے میں ناکام رہتے ہیں، تو سکولوں/مقامات پر جہاں تک قابل عمل ہو، احکامات جاری کیے جائیں گے۔
سکول انفارمیشن سسٹم کے ذریعے محکمہ کی ضرورت کے مطابق جہاں بھی آسامی دستیاب ہے ان کو ایڈجسٹ کردیا جائے گا کوئی بھی ترقی لینے والا استاد جو پوسٹنگ آرڈر میں بیان کردہ مقررہ جوائننگ ٹائم کے اندر اپنی پوسٹ پر جوائن نہیں کرتا ان سے تبادلے کا حق لے لیا جائے گا۔
