قران کی تدریس میں دلچسپی رکھنے والے اساتذہ کا ڈیٹا اپ لوڈ کرنے کی ہدایت

محکمہ سکولز نے قران کی تدریس دینے کےلئے اساتذہ کا ریکارڈ سکول انفارمیشن سسٹم میں اپ لوڈ کرنے کی ڈیڈ لائن دے دی ۔

تفصیل کے مطابق محکمہ سکولز نے قران کی تدریس دینے والے اساتذہ کا ریکارڈ طلب کرلیا۔
اس سلسلے میں جاری مراسلے میں کہا گیا ہے کہ ہائی کورٹ کی ہدایت پر سکولوں میں قران کی تعلیم کا سلسلہ شروع کیاگیا ہے اور اساتذہ کی ٹریننگ بھی شروع ہوگئی ہے ۔
مگر قران کی تدریس میں دلچسپی لینے والے اساتذہ کاریکارڈ دستیاب نہیں ہے، اس لئے تمام سی ای او ز کو ہدایت کی جاتی ہے کہ وہ قران کی تدریس میں دلچسپی لینے والے اساتذہ کے نام اور مکمل کوائف تین روز کے اندر سس پر اپ لوڈ کریں، جس کےلئے ہدیات نامہ بھی جاری کردیاگیا ہے ۔