سکولوں میں طلباء کی جعلی انرولمنٹ روکنے کےلئے نادرا سے تصدیق کروانے کافیصلہ

سرکاری سکولوں میں طلباء کی جعلی انرولمنٹ کی نادرا سے تصدیق کروانے کا فیصلہ کرلیا گیا ہے۔

حکام کا کہنا ہے کہ فیک انرولمنٹ کے خاتمہ کیلئے جامع منصوبہ بندی لا رہے ہیں تاکہ ایسا تعلیمی ماڈل بنائیں گے کہ نجی تعلیمی اداروں کے طلباء سرکاری تعلیمی اداروں میں داخلے کی خواہش کا اظہار کریں گے۔

پنجاب کی تاریخ میں پہلی مرتبہ طلباء انرولمنٹ کی نادرا تصدیق کی جائیگی، ایک سال بعد سرکاری تعلیمی اداروں کے معیار میں واضح فرق دکھائی دے گا۔

اگلے سال سے پبلک سیکٹر کے تعلیمی اداروں کے ایک ہزار طلباء و طالبات کو فارن سکالرشپ پر بھیجا جائے گا۔