الیکشن کے بعد سکولوں میں گندگی کے ڈھیر لگ گئے

الیکشن کی تعطیلات کے بعد سکول کھل گئے مگر طلباء و اساتذہ کوا س وقت مشکلات کاسامنا کرنا پڑا جب دو روز گزرنے کے باوجود سکولوں میں گندگی کے ڈھیر تھے، کلاس رومز کے حالات اس سے بھی برے تھے۔

طلبا وطالبات کو خود صفائی کرنا پڑی، جس کے بعد کلاسوں میں ڈیسک لگائے گئے، اور پھر تعلیمی سرگرمیاں شروع کی جاسکیں۔

اساتذہ کا کہنا تھا کہ سکولوں کی صفائی کی ذمے داری ضلعی انتظامیہ کی تھی، جس کے اہلکاروں نے سرکاری دفاتر میں قائم پولنگ سٹیشنوں کو تو صاف کردیا مگر سکولوں کی صفائی کرنا ضروری نہیں سمجھا، جس کی وجہ سے تدریسی سرگرمیاں متاثر ہوئیں۔