صارفین کو بہترین سہولیات فراہمی اور ان کی خدمت کرنا میرا مشن؛ ڈسٹری بیوشن انجینیئر سوئی گیس حسین ظفر

ریجنل مینجر سوئی نادرن گیس ڈسٹری بیوشن انجینیئر حسین ظفر نے کہا ہے کہ صارفین کو بہترین سہولیات فراہم کرنا اور ان کی خدمت کرنا میرا مشن ہے، ان کی تمام شکایات ہم سب کو مل کر دور کرنا ہوں گی، میرے دروازے صارفین کے لیے کھلے ہیں۔

ان خیالات کا اظہار انہوں نے گزشتہ روز ریجنل مینجر کا چارج لینے کے بعد کسٹمر سروس سنٹر کا اچانک دورہ کرتے ہوئے کیا ۔

انہوں نے تمام عملے کو صارفین کی مشکلات جلد سے جلد حل کرنے کی ہدایت کی، انہوں نے مزید کہا کہ تمام افسران اور ورکرز صارفین سے خوش اخلاقی سے پیش آئیں، اور ان کے مسائل کو حل کریں۔

اس موقع پر چیف سیکیورٹی انچارج سیف الرحمان خان، عدیل شہزاد ایگزیکٹو انجینیئر و دیگر افسران ہمراہ تھے ۔