ایس ای ایس ٹیچرز ایسوسی ایشن کے وفد کی چیئرمین تعلیمی بورڈ ملتان سے ملاقات

پنجاب ایس ای ایس ٹیچرز ایسوسی ملتان کے وفد نے چیئرمین بورڈ ملتان حافط محمد قاسم سے ملاقات کی، وفد میں راؤ ذوالفقار احمد ضلعی صدر ، ظفر اقبال بھٹہ جنرل سیکرٹری ، راؤ ساجد مصطفی ایڈیشنل صدر ، شہزاد ظفر خان انفارمیشن سیکرٹری ، غلام عباس فنانس سیکرٹری اور شہزاد فہیم آڈیٹر شامل تھے۔

ملاقات میں کلاس نہم اور دہم کے امتحانات اور پریکٹیکل کے بارے میں گفتگو ہوئی۔ حافظ محمد قاسم نے بتایا کہ کلاس دھم کا پہلا پرچہ یکم مارچ سے ہو گا ۔ اور کوشش کی جاۓ گی کہ ایمان دار امتحانی عملہ تعینات کیا جاۓ گا، اور پرچہ میں کوئی بھی سوال سلیبس سے باہر نہ ہو گا۔

امتحانی مراکز میں نگران عملہ اور طلباء اور طالبات کو بہترین سہولیات فراہم کی جائیں گی۔