الیکشن ڈیوٹی نہ کرنے پر زکریا یونیورسٹی کی دو اساتذہ کو شو کاز نوٹس جاری

الیکشن کمیشن کی طرف سے رجسٹرار کو ارسال کئے مراسلے میں کہا گیاہے کہ جنرل الیکشن میں حکومت کی ہدایت کے مطابق سرکاری اداروں کے عملے کی ڈیوٹی لگائی گئی، مگر زکریا یونیورسٹی کی دو اساتذہ نے ان کو کرنے سے انکار کردیا۔

ان کو اظہار وجوہ کا نوٹس جاری کیا جاتا ہے، ان میں لیکچرار انگلش ڈیپارٹمنٹ شازرہ سلام اور سائیکالوجی کی آمنہ اجمل شامل ہیں۔

دوسری طرف زکریا یونیورسٹی حکام کا کہناہے کہ آمنہ اجمل کا نام غلطی سے فہرست میں چلاگیا تھا کیونکہ اپلائیڈ سائیکالوجی کی لیکچرر اپنی نوکری چھوڑ چکی ہیں، اس بارے الیکشن کمیشن کو آگاہ کردیا گیا ہے ۔