پانچ اضلاع کے سکولوں کو سمر کیمپ لگانے کی اجازت

پنجاب ایجوکیشن سیکٹر ریفارمز پروگرام کے تحت صوبہ بھر کے پانچ اضلاع کے سکولوں کو سمر کیمپ لگانے کی اجازت دے دی گئی۔

سمر کیمپ صبح ساڑھے سات سے ساڑھے نو بجے تک لگانے کی اجازت ہوگی، بہترین کارکردگی کے حامل اساتذہ کا سمر کیمپ کیلئے انتخاب کیا جائے گا، منتخب اساتذہ کو سمر کیمپ میں پڑھانے کا ماہانہ معاوضہ 18 ہزار روپے دیا جائے گا۔

بہاولپور ،ڈی جی خان، رحیم یار خان، مظفر گڑھ اور میانوالی میں سمر کیمپ لگانے کی اجازت ہو گی۔

پروگرام مانیٹرنگ اینڈ ایمپلمنٹیشن یونٹ نے متعلقہ اتھارٹیز کو سمر کیمپ کے حوالے سے ہدایات جاری کر دی۔

ایجوکیشن اتھارٹی ملتان کا کہنا ہے کہ ملتان میں سمر کیمپ لگانے کی منظوری سیکرٹری سکولز ایجوکیشن چنوبی پنجاب کی طرف سے دی جائے گی۔