23 یونیورسٹیوں کے وائس چانسلرز کےلئے ہونے والے انٹرویو روک دئے گئے

پنجاب کی یونیورسٹیوں کے وائس چانسلرز کی تعیناتی کےلئے ہونے والے انٹرویوز بارے عدالت عالی نے حکم امتناہی جاری کردیا ۔

تفصیل کے مطابق پنجاب کی 23 یونیورسٹی میں وائس چانسلرز کی مدت ختم ہونے جارہی ہے، جس کےلئے ہائر ایجوکیشن ڈیپارٹمنٹ نے درخواستیں طلب کی تھیں ، اور انٹرویوز کاسلسلہ بھی شروع ہوگیا تھا۔

جس پر ڈاکٹر سید شاکر علی غزالی نے عدالت عالیہ بہاولپور بینچ میں درخواست دائر کی کہ نگران حکومت کے پاس کسی بھرتی کا اختیار نہیں ہے، یہ الیکشن ایکٹ 2017 کی کھلی خلاف ورزی ہے۔

جس پر عدالت عالیہ نے الیکشن کمیشن سے جواب طلب کرتے ہوئے وائس چانسلرز کی تعیناتی اور کسی بھی قسم کے انٹرویو پر حکم امتناعی جاری کردیا، اور سات جون تک جواب طلب کرلیا۔