ویمن یونیورسٹی میں کیپیسٹی بلڈنگ کے حوالے سے ورکشاپ
ویمن یونیورسٹی ملتان کے سنٹر آف پروفیشنل ڈویلپمنٹ کے زیر اہتمام ریسرچ سپروائزر کی کیپیسٹی بلڈنگ کے حوالے سے ورکشاپ منعقد ہوئی، جس کی ریسورس پرسن پرو وائس چانسلر ڈاکٹر کلثوم پراچہ ، ڈائریکٹر سنٹر پروفیسر ڈاکٹر ملکہ رانی اور ڈاکٹر سارہ مصدق تھیں۔
اس ورکشاپ کے انعقاد میں نیشنل اکیڈمی آف ہائر ایجوکیشن اور برٹش کونسل نے مدد کی، ورکشاپ میں پی ایچ ڈی سکالر کی صلاحیت سازی پر تفصیلی گفتگو کی گئی ۔
ڈاکٹر سارہ مصدق نے ایک سپروائزر کا کردار، ذمہ داریاں اور توقعات، طالب علموں یا محققین کی رہنمائی اور معاونت میں ایک تحقیقی نگران کے کردار پر روشنی ڈالی۔
انہوں نے ہائر ایجوکیشن کمیشن (ایچ ای سی) کی طرف سے نافذ کردہ مختلف پالیسیوں جیسے اہلیت اور نگرانی کے حوالے سے بھی آگاہی دی ۔
دوسرے سیشن میں ڈاکٹر ملکہ رانی نے تحقیق کو ٹریک اور مانیٹرنگ پروگریس کے مطابق پر رکھنا محققین، طلباء، اور سپروائزرز کو ضروری علم، ٹولز اور مہارتوں سے آراستہ کرنے کے بارے میں بتایا کہ تاکہ ان کے تحقیقی منصوبوں کی پیشرفت کو مؤثر طریقے سے منظم اور مانیٹر کیا جا سکے ۔
تیسرے سیشن میں پروفیسر ڈاکٹر کلثوم پراچہ کی تحریر کی نگرانی کے لیے نقطہ نظر مختلف طریقوں اور تکنیکوں،سیکھنے کے مثبت ماحول کو فروغ دینے، اور تیار کردہ کام کے معیار کو بہتر بنانے میں طلباء کی مدد کے کے حوالے سے لیکچر دیا۔
ڈاکٹر پراچہ نے کہا کہ ایک لازمی عنصر "ٹائم مینجمنٹ” ہے، جسے سپروائزرز کو سکھایا جانا چاہیے تاکہ طلباء اپنے اہداف اور مقاصد کا تعین کر سکیں۔
ورکشاپ کے شرکاء میں پی ایچ ڈی۔ اور دی ویمن یونیورسٹی ملتان کے شعبہ کیمسٹری، فزکس، بی بی ٹی، ایم ایم جی، شماریات، سی ایس اینڈ آئی ٹی، ہسٹری، اور پاکستان اسٹڈیز، اردو، اسلامک اسٹڈیز، اور انوائر مینٹل سائنسز کے ایم فل سپروائزرز میں شامل تھے۔
