زکریا یونیورسٹی میں چوری کرنے والے گروہ کا کارندہ پکڑا گیا

زکریا یونیورسٹی ملتان میں صبح پانچ بجے شفٹ انچارج نے سیکیورٹی کنٹرول روم کو اطلاع دی کہ ٹرانسپورٹ شیڈ کی دو عدد بیٹریاں چوری ہو گئی ہیں، جس پر سکیورٹی عملے نے فوراً تلاش شروع کر دی۔

ویڈیو کیمرے سے چور کی شکل دیکھی گئی اس کو ڈھونڈتے ہوئے شیڈ کے ارد گرد جھاڑیوں میں بیٹریاں پڑی ہوئی نظر آئیں تو وہاں پر ایک سیکیورٹی گارڈ کو کھڑا کر دیا اور دیگر گارڈز نے تلاش جاری رکھی۔
اسی اثنا میں ایک رکشہ ٹرانسپورٹ شیڈ کے پاس آ کر رکا تو ایک ادمی اتر کر جھاڑیوں کی طرف چل پڑا جب وہ بیٹریوں کی طرف مڑا تو سیکورٹی گارڈ نے اسے پکڑ لیا۔

اس سے مزید پوچھ پوچھ کی گئی تو معلوم ہوا کہ اس کا نام تسنیم جعفر ولد منظور علی ہے، اور یہ میتھ ڈیپارٹمنٹ کا طالب علم ہے، سیکیورٹی عملے نے چور کو پولیس کے حوالے کر دیا اور ایف ائی ار کی درخواست دے دی۔

ذرائع کے مطابق چور نے شعبوں اور سٹاف کالونی میں چوریاں کرنے کابھی اعتراف کیا ہے ۔