وائس چانسلر ایمرسن یونیورسٹی کی چیئرمین سن کروپ سے ملاقات
وائس چانسلر ایمرسن یونیورسٹی ملتان پروفیسر ڈاکٹر محمد رمضان نے چیئرمین سن کروپ آف انڈسٹریز ڈاکٹر شفیق سے ملاقات کی، اس موقع پر وائس چانسلر ایمرسن یونیورسٹی ملتان نے سن کروپ گروپ آف انڈسٹریز کی زراعت کے حوالے سے خدمات کو سراہا اور پاکستان میں زراعت کی ترقی اور بیج کی پیداوار اور اس حوالے سے جدید خطوط پر کی جانے والی خدمات کو سراہا ۔
وائس چانسلر اور چیئرمین کروپ گروپ اف انڈسٹریز کے مابین یونیورسٹی کے طلبا کی انٹرنشپ، یونیورسٹی اور انڈسٹری کے اشتراک سے طلباء کے لئے ایسے منصوبے کی تشکیل پر گفتگو ہوئی، جو طلباء کے مستقبل اور پاکستانی صنعت بالخصوص ذرعی شعبہ کی درآمدات و برآمدات کے حوالے سے مفید ثابت ہوں۔
وائس چانسلر ایمرسن یونیورسٹی نے چیئرمین کروپ گروپ آف انڈسٹریز اور ان کی تکنیکی و مارکیٹنگ ٹیم کو ایمرسن یونیورسٹی ملتان کے دورے کی دعوت دی تاکہ وہ یونیورسٹی کے طلباء سے باہمی مکالمہ کریں، اور اپنے تجربات بیان کریں تاکہ طلبا ان سے مستفید ہو سکیں۔
ملاقات کے دوران دونوں شخصیات نے جلد ہی ایمرسن یونیورسٹی ملتان اور سن کروپ گروپ آف انڈسٹریز کے مابین مفاہمتی یاداشت /ایم -او-یو کر نے پر بھی اتفاق ہوا۔
